LAOAG CITY – Inrakurak ti National Irrigation Administration (NIA) a kasapulanna ti agarup P200 bilyon a pundo iti kada tawen para kadagiti irrigation projects daytoy tapno maipasigurado ti food security iti pagilian.
Segun ken ni National Irrigation Administration Administrator Eddie Guillen, pundoan ti ahensia ti P200 bilyon a pundo ti short to long term projects ti ahensia kas ti pannakaipasdek ti high dams, restoration projects, solar pump irrigation initiatives ken water impounding projects.
Inbatadna nga inlungalong ti ahensia ti P200 bilyon iti Department of Budget and Management (DBM) para iti budget inton sumaruno a tawen.
Nupay kasta, inlawlawag ni Guillen a ti laeng inaprobaran ti lamang ti Department of Budget and Management ket P42 bilyon gapu iti limitado a fiscal space.
Mangnamnama ni Guillen a tulungan ti Kamara ken Senado ti ahensia a makaala ti dakdakkel nga alokasion apaman a mangrugin ti budget deliberations para iti P6.352 trilyon a proposed national expenditure plan.
