LAOAG CITY – Maalarma ti National Irrigation Administration ti Ilocos Norte gapu ti agtultuloy a panagbaba ti water level kadagiti irrigation canals dito probinsiya.
Segun kenni Luisito Martin, operation and administrative officer ti NIA ditoy Ilocos Norte nga ti agtultuloy nga panagbaba ti water level ket makaalarma gapu ta posible a maapektaran ti suplay ti danum a kasapulan dagiti mannalon a pangpasayak da kadagiti mula ken kataltalunan da.
Kuna ni Martin nga naobserbaran da pay ti panagbaba ti water level kadagiti karayan, ti north main canal ken ti Laoag-Bacarra River Irrigation System itay pay napalabas a bulan ti Enero.
