LAOAG CITY – Nagpanawagan ti National Price Coordinating Council (NPCC) ken ni President Ferdinand “Bongbong” Marcos Jr. para iti kanayunan a 60-day extension ti ₱50 ti kada kilo a presio ti imported rice.
Basar iti monitoring nga inwayat ti Department of Agriculture (DA), naamoan a dagiti imported rice ket agbalor ti P45 agingga P50 ti kadda kilo idinto a ti local rice ket agbalor ti P58 ti kada kilo.
Mainaig iti daytoy, inbatad ti National Price Coordinating Council a saan laeng a nakadepende ti pagilian iti local harvest a permi a naapektaran ti panagngato ti presio ti gasolina, fertilizers costs ken ti epekto ti El Niño.
Iti baet daytoy, basar iti report ti nadakamat nga ahensia, dagiti lokal a mannalon ket saan a maawanan ti ganansia bayat iti panagngato ti panag-import ti bagas.
Inpettengda nga ado latta ti aggatang dagiti local produce a bagas ken inngato payen ti National Food Authority (NFA) ti buying pricedan para kadagiti local a pagay.
Kabayatanna, inlawlawag met ti Department of Agriculture a ti kiddaw ti National Price Coordinating Council (NPCC) ket makatulong a maipababa ti inflation rate ditoy pagilian.
