LAOAG CITY – Nalidem nga ipatungpal ti lokal a gobierno ti ciudad ti number coding wenno color coding scheme a kas solusyon ti trapiko ditoy ciudad.
Daytoy ti inpakaammo ni Mayor James Bryan Alcid ditoy ciudad.
Kunana a kabaelan ti gobierno ciudad nga iyimpelementar daytoy ngem san da nga aramiden.
Inlawalwag na nga iti agdama ket mangkitkita da ti sabali a wagas a mangsolusyon iti daytoy kas iti panang-review ti Department of Public Safety ken Traffic Division ti rerouting dagiti lugan ken panakaipasa daytoy tapno maamendaran ti traffic code.
Inbatad na a maysa a kitkitaen da ket ti implementasyon ti panakaipawil ti truck nga agdagsen ti 4500 pounds a dumalyasat iti alas-sais agingga iti alaa-otso iti bigat ken iti malem.
Innayon na a dagitoy ti kitkitaen da a solusyon gapo ta saan a problema ti bilang dagiti behikulo ditoy ciudad nu diket patien na a ti problema ket ti nagulo a ruta ditoy ciudad.
