LAOAG CITY – Inpakaammo ni Engr. Randy Nicolas ti Provincial Disaster Risk Reduction and Management Office a nangisayangkatanda ti ocular inspection iti Kapitolio Probinsial.
Segun kenkuana, immunada a napan kinita ti laud a paset ti Kapitolio Probinsial tapno maipasigurado met laeng nga awan ti nadadael iti aniaman a paset ti Kapitolio ken maisaruno kadagiti amin a pangopisinaan.
Inbatadna nga awan met pay ti nakitada a cracks wenno rikki iti istruktura ti Kapitolio ngem saanda nga agpakampante agingga a masursurda amin dagiti departamento.
Kunana nga uray ammona a nalagda ti pannakaipasdek ti Kapitolio ngem rumbengda latta a monitoren dagiti amin a suli dagiti opisina.
Innayonna a ti Provincial Engineering Office ti mangidadaulo ti pannakaisayangkat ti inspeksion iti Kapitolio Probinsial.
