LAOAG CITY – Sumangsango ti alegasion dagiti opisial ti Baragay Puyupuyan iti ili ti Pasuquin mainaig iti maipagarup nga adda pabpaboranda iti panagpili kadagti iskolar ti Bagong Pilipinas Barangay Presidential Scholars Program a programa ti gobierno babaen iti inisiatibo ni Presidente Ferdinand R. Marcos Jr.
Segun ken ni Mr. Romulo Aguinaldo, Punong Barangay iti nadakamat a lugar a planona a paayaban dagiti kagawadna gapo ta dagiti agpampmmarang a grantees ti scholarship program ket maipagarup annak dagiti kakaduana nga opisyal.
Inbatadna a sakbay iti panag-pilida ket ina-pointaranna dagiti sektor kagawadna a pilien dagiti kangrunaan nga agkasapolan a mabenepisiaran.
Innayonna pay a gapu iti kinalimitado ti mabalin a matulungan ket rumbeng a pilienda dagiti college students nga awn pay pulos ti naawatda nga scholarship grant.
Maipalagip a babaen ti Presidential Scholarship Program ket napondoan ti tunggal barangay ti aggatad P1000,000 ken naikkanda ti prebelehio a pilien dagiti lima nga estudiante ti kolehio a nasken a maikkan ti sag P20,000 a tulong para iti educational expensesda.
