LAOAG CITY – Makapungtot ken malidayan dagiti barangay officials iti Barangay 19 iti ili ti Sarrat kalpasan nga inpilit ti Ilocos Norte Electric Coperative (INEC) a bayadan da ti electric bill da partikular iti street lights nga umabot iti 20,497 a pisos.
Segun kenni Barangay Kagawad John Glenn Dudulao, daytoy ket iti laksid nga ammo dagiti lineman a defective wenno perdi ti kontador.
Inbatad na nga adda met ti mangpaneknek a binulan da nga agbayad kontra iti ibagbaga ti kooperatiba a ti electric bill da ket sipud pay idi 2010.
Inpetteng na nga idi inusar da ti baro a metro ngem isu met laeng a dakkel ti nakonsumo na iti laeng agpatnag nga immabot iti 49.5 kilowatts.
Kunana a gapo iti daytoy ket mapan da iti INEC intono bigat tapno mapagsasaritaan ti nasao a sitwasyon.
