LAOAG CITY – Rumrummuar a da Angel Locsin ken Iza Calzado dagiti sumagmamano nga aktres nga agsubli iti Kapuso Network gapu iti maysa nga online post nga “OG Kapuso” ti agawid iti datina a pagtaengan.
Nupay kasta, naammoan a ti agsubli iti Kapuso Network ket ni Vina Morales.
Daytoy ket kalpasan ti 25 a tawen, agsubli ni Vina iti Kapuso Network iti babaen ti drama series a Cruz vs. Cruz.
Naaddaan ti story conference ti Cruz vs. Cruz iti Kapuso Network studio.
Makadua ni Vina iti Cruz vs. Cruz da Gladys Reyes, Neil Ryan Sese, Lexi Gonzales, Kristoffer Martin, Pancho Magno, Cassy Lavarias, Gilleth Sandico, Caprice Cayetano ken Elijah Alejo.
Naammoan a ni Gil Tejada ti direktor ti Cruz vs. Cruz a mabuya ita a 2025 ken mangipasimudaag ti kumpirmado a panagsubli ni Vina iti Kapuso Network.
Maibilang ni Vina nga “original star” ti Kapuso Network gapu ta nangrugi ti That’s Entertainment ti television career daytoy idi 1987.
Ti That’s Entertainment ti top youth-oriented program idi ti Kapuso Network sakbay a naam-ammo ti official tagline a Kapuso Network ti giant TV station.
Ti Sunday noontime musical-variety show nga SOP ti maysa kadagiti dati a regular program ni Vina iti Kapuso Network.
Ti Codename: Verano idi 2000 nga indauloan ni Phillip Salvador ken isu met ti naudi a TV show-na sakbay nga immakar isuna iti Kapamilya Network idi 2001.
