LAOAG CITY – Nagballaag ti Belgium Federal Agency for the Safety of the Food Chain (FASFC) kadagiti residente a saan nga aramiden a taraon dagiti Christmas tree-da kalpasan nga inrekomendar iti siudad ti Ghent ti panagusar dagiti bulong daytoy kadagiti recipe kas paset ti recycling tips-da.
Basar iti website ti Ghent, masansan iti Scandinavia ti panagusarda kadagiti bulong dagiti conifer tree kas pampasam-it.
Ti proseso ket mangrugi iti panangala kadagiti bulong manipud iti sanga, panangpaburek dagitoy ken pamagaen sakbay nga usaren ti panagusar kadagiti culinary creations kas ti “spruce needle butter.”
Nupay kasta, naiget nga inballaag ti Federal Agency for the Safety of the Food Chain a dagiti Christmas tree ket saan a karaman iti taraon ti tao wenno ayup.
Basar iti ahensia, kaadduan kadagiti Christmas tree a mailaklako para iti dekorasion ket us-usaren para iti pesticides ken dadduma pay a kemikal a mabalin a narisgo iti salun-at.
