LAOAG CITY – Kinumpirmaran ti Department of Social Welfare and Development (DSWD) nga adda ti plano ti Marcos administration a mangipaay ti cash subsidy a P15,000 kadagiti mannalon a kangrunaan nga apektado ti El Niño.
Inbatad ni Department of Social Welfare and Development Secretary Rex Gatchalian a manarimaan ti pannakikoordinar ti ahensya iti Department of Agriculture (DA) para iti nayun nga interbensyon kalpasan ti Sustainable Livelihood Program (SLP) payout para iti micro rice retailers ken “sari-sari” store owners.
Kuna na a mabalin a mangipatungpal ti Department of Social Welfare and Development ti Sustainable Livelihood Program-cash aid payout mechanism, kas ti subsidiya para iti small and micro rice retailers, no sadinno nga aggapo ti listaan iti Department of Trade and Industry (DTI).
Segun ken ni Gatchalian, ti Department of Agriculture ti mangiwanwan iti panangestablisar ti Sustainable Livelihood Program farmer-beneficiaries a kangrunaan nga apektado iti El Niño.
Malaksid iti daytoy, rinugyan payen ti Department of Social Welfare and Development ti Project Local Adaptation to Water Access iti Davao de Oro, Ifugao, ken Antique idi Agosto 31, a gagem na a mapapigsa ti community resilience kontra iti El Niño.
