LAOAG CITY – Inbatad ti Department of Environment and Natural Resources (DENR) a mapatta-patta nga umabot iti P38 trilyon ti mabalin a mapataud a production value iti uneg ti sumaruno a 25 a tawen manipud iti climate-smart investments iti 1.18 milyon nga ektarya ti forest land.
Segun ken ni DENR Secretary Juan Miguel Cuna a gagem ti programa a makapataud ti ad-ado a trabaho, mapadur-as ti panggedan, ken aramiden a produktibo dagiti bantay iti babaen ti responsable a panagpuonan.
Kunana a sumurok-kumurang 1.18 milyon nga ektarya ti Potential Investment Areas ti mabalin a padur-asen iti babaen ti Sustainable Forest Land Management Agreements.
No maipatungpal, manamnama a makabukel daytoy ti sumurok-kumurang a P4 bilyon tinawen manipud iti tree plantations, agroforestry, grazing, ecotourism, renewable energy,ken dadduma pay a forest-based enterprises.
