LAOAG CITY – Mamati ti MP Promotions CEO Jas Mathur nga agtalinaed a dakkel nga atraksion kadagiti boxing fans ti rematch da Manny Pacquiao ken Floyd Mayweather Jr. uray saan a natuloy ti laban daytoy inton Enero inton sumaruno a tawen.
Inbatad ni Mathur a mamati isuna a maminsan manen nga agbalin a balligi ken makaaramid ti rekord ti panagsango manen ti dua a boxing legend gapu ta daytoy ti laban a kalikagum a mabuya manen ti publiko.
Inpettengna a ti rematch da Pacquiao ken Mayweather ti agbalin maysa iti kadakkelan nga sporting events iti panawen ti streaming era.
Maipalagip nga inanunsio ti rematch ita a tawen ngem insigida daytoy a kwinestionaran ti sumagmamano a boxing analyst ken fans no magun-odna pay laeng ti kapada nga interes a naala ti umuna a laban idi 2015.
