LAOAG CITY – Umababot iti 300,000 pesos ti mapaglaklakwan dagiti micro small and medium enterprises a makipagpaspaset iti Sunday Market ditoy ciudad ti Laoag.
Daytoy ti inpakaamo ni Mrs. Elma Gabriel iti head micro small and medium enterprises office.
Inbatadna a daytoy a gatad ket makatulong kadagiti umili gapu ta daytoy ket maiwayat laeng iti sumagmamano nga oras ngem kastoyen ti mapaglakoan da.
Nupay kasta, inbatadna a ti kangrunaan a gagem iti nasao nga aktibidad ket maipromote iti publiko dagiti produkto dagiti local producers ken manufacturers.
Maipalagip a nagsublin ti panakaiwayat ti sunday market kalpasan iti sumagmamano a lawas a panakaitantan na gapu ti nagsasaruno a tudo.
Kuna ni gabriel a nu makitada nga adda ti napigsa a tudo a mapasaran iti oras a 4pm-10pm a panakaiwayat na ket ikanselar da ti Sunday Market.
Inpettengna a daytoy ket tapnon mailiklik dagiti partisipantes iti saan a natalged a sitwasyon.
Kabayatanna, ti panagsubli ti sunday market, ket mairaman dagiti local talents aglalo dagiti ubbing a saan a maikikkan iti plataporma a maipakita dagiti talento da.
