LAOAG CITY – Kinumpirmaran ni Fire Officer III John Patrick Anghel iti BFP-Laoag nga immasok ti generator ti maysa a bangko iti sentro ditoy ciudad.
Segun kenni Anghel, kalpasan a panagpukaw ti suplay ti elektrisidad itay bigat ket nagusar ti nasao a pasdek ti generator.
Nupay kasta, kuna ni Anghel a gapo ta ado dagiti nausar nga appliances ket saan a nakabaelan ti generator rason a nag-overheat ken immasok.
Inbatad na nga awan met ti nadangran wenno nakana a pasamak kabayatan ti panagasok ti generator.
Ummuna iti daytoy, kunana nga adda ti naawat da a tawag a naipakammo nga adda ti uram isut gapo na a dagus da a napan nagresponde.
Kabayatanna, kuna ni Anghel a gapo iti daytoy ket ado dagiti tattao ti nagpanic.
