LAOAG CITY– Kinumpirmaran ni Provincial Director Senior Supt. Jose Melencio Nartates Jr. a dua ti kitkitaen da a motibo iti pannakatambang ti grupo ni Bise Mayor Jessie Ermitanio iti ili ti Marcos, Ilocos Norte.
Segun kenni Nartates, malaksid iti politika ket kitkitaen da pay ti posible a koneksyon ti pagin-innagawan a teritoryo iti nagbaetan ti Marcos ken Dingras seknan iti Madongan Dam.
Naamoan a ti Bise Mayor ti naiget a mangilablaban para iti nadakamat a lugar.
Maipalagip a natay ti driver ni Ermitanio a ni Lucky Jesrelle Rombaoa idinto a nasugatan ti bise mayor ken dagiti dua pay a kakadua na iti nasao a pasamak.
