LAOAG CITY – Naduktalan iti panagadal a ti panagus-usar ti vape ket mangitunda ti panagdevelop ti lung cells iti sumagmamano a kababalin a makita kadagiti tumor cells.
Ti nasao a panagadal ket inpatungpal dagiti molecular biologists manipod iti University of the Philippines Diliman (UPD).
Basar iti naipablaak iti website ti University of the Philippines Diliman, College of Science, sinukimat dagiti agsuksukisok manipud iti National Institute of Molecular Biology and Biotechnology (NIMBB) no kasano a ti pannaka-expose ti e-cigarette ket mabalin nga apektaran na dagiti proseso ti selula a mainaig iti kanser.
Tinutukan ti grupo ti maysa a molecule a pinanagananda iti vape-associated lncRNA transcript 1 (VALT1), a nasarakan iti nangatngato a lebel kadagiti agus-usar iti vape ken iti sumagmamano a tumor ti kanser ti bara.
Naduktalan dagiti researchers a ti pannaka-expose kadagiti kemikal ti vape ket nangpaadu iti VALT1 levels ken mangpakaro iti panagadu ti selula, resistensia iti naiprograma nga ipapatay ti selula, panagakar dagiti selula, ken reactive oxygen species (ROS) detoxification.
Ti pannaka-expose ti kemikal manipod iti vape ket mangitunda ti cytoskeletal disorganization ken nuclear remodelling.
