LAOAG CITY – Nangiparuk-at ti report ti maysa nga independent United Nations investigation a mangibagbaga a maipagarop nga addaan ti panaglabsing ti karbengan ti tao kontr kadagiti ubbing a Palestino iti Gaza ken West Bank, karaman dagiti possible a panaglabsing a mabalin a maibilang kas crimes against humanity, war crimes, ken genocide.
Segun iti UN Independent International Commission of Inquiry on the Occupied Palestinian Territory, karaman ti East Jerusalem ken Israel, a tiningiting da a naimbag sipud rimsua ti gubat iti nagbaetan ti Israel ken Hamas idi Oktubre 7, 2023.
Basar iti datos, mapatta-patta a sumuruk-kumurang a 30% dagiti natay iti Gaza ken dagiti ubbing.
Umabot met iti nasurok a 20 ribo ng ubbing ti natay manipod Oktubre 2023 agingga iti Oktubre 2025.
Segun ken ni commission chair Srinivasan Muralidhar, adda dagiti ebidensya a maipagarop a mangipakpakita a punpuntiryaen ken patpatayen ti Israeli security forces dagiti ubbing a Palestino, ken possible nga indikasyon daytoy ti intensyon nga ibusen ti populasyon iti Gaza.
