LAOAG CITY – Nangiparuk-at ti Department of Labor and Employment ti Administrative Order No. 264, Series of 2026 a mangikedkeddeng kadagiti pagannurotan para iti panangipatungpal, monitoring, enforcement ken exemption kadagiti Wage Order.

Karaman kadagiti addang ti agtultuloy a panagsubaybay iti compliance, ad-adda a pinaigetan a koordinasion ti NWPC, RTWPBs ken DOLE Regional Offices ken special exemption mechanism para iti micro, small, and medium enterprises (MSMEs).

Gagem ti Department of Labor and Employment a masigurado a naurnos ti panangipatungpal ti Wage Orders, ad-adda a natibker nga enforcement, suporta iti MSMEs ken napinpintas a panagplano kadagiti pagannurotan iti sueldo.

Gapu iti daytoy, manamnama nga ipatungpalen ti nayon a sueldo iti National Capital Region (NCR).

Inbatad ti Department of Labor and Employment nga agbalinen nga epektibo ti wage increase kalpasan a nakumpleto dagiti kasapulan a proseso. Mabenepisiaran iti daytoy dagiti minimum wage earner idiay Metro Manila.

Inbilin ti Department of Labor and Employment dagiti employer a sumurot iti wage order ken siguradoen a maipaay ti umno a nayon a sueldo kadagiti mangmangged dagitoy. Agtultuloy a bantayan ti ahensia ti panangipatungpal daytoy iti intero a National Capital Region.

Naragsakan met ni Kamanggagawa Partylist Rep. Eli San Fernando ti nasao a pammilin.

RELATED ARTICLESMORE FROM AUTHOR