LAOAG CITY – Inlawlawag ni PNP Spokesperson Police Brigadier General Randulf Tuaño kadagiti mangiwayat ti warning shot a saan a kameng ti PNP nga adda ti pagsungsungbatan daytoy iti linteg.
Inbatad ni Tuaño a dagiti saan a miembro ti PNP nga ag-warning shot ket mabalin a sumango iti indiscriminate firing ken alarm and scandal.
Kabayatanna, iti biang ti PNP, inlawlawag ni Tuaño a no mabalbain ket maipawil ti panangiwayat ti warning shots basar daytoy iti Police Operational Procedure-da.
Daytoy ket gapu ta narisgo a posible a mangitunda daytoy ti pannakaisagmak ti biag ti maysa a tao.
Kunana a mabalin laeng nga ag-warning shot ti miembro ti PNP no dagitoy ket outnumbered, overpowered ken addan ti pangtada iti biag.
Mainaig iti daytoy, kuna ni BGen. Alan Manibog, Deputy Director Directorate for Operations ti PNP nga imbes nga ag-warning shots aket agus-usar ti kapulisan ti megaphone ken pito.
Innayon ni Manibog a napateg ti koordinasion tapno maliklikan dagiti misencounters.
