LAOAG CITY – Mamati ni Manila 3rd District Rep. Joel Chua a saan a makaapektar ti pannagna ti  impeachment complaint kontra ken ni Vice President Sara Duterte ti panangideklarar na nga agpaidasig a para presidente iti 2028 elections.
Basar iti agpanpanday linteg, obligasyon da a trataren ti reklamo kontra iti siasinno man nga impeachable official, kas naipalaon iti konstitusyon.
Inpetteng na nga indeklarar man wenno saan ti bise presidente ti panagpaidasig na a para presidente, kasapulan ti kamara de representantes a pagdedebatean ken desisyonan ti reklamo kontra ken ni Duterte.
Innayon na a ti desisyon ti tunggal agpanpanday linteg ket maibasar paylaeng iti kadagsen dagiti maipresentar nga ebidensya.
Saan met a maalarma ni Chua iti possible nga ibaga ti kampo ti bise presidente a panagpulpulitika ti impeachment complaint, aglalo no naan-anay a maikabil iti Senado, kas impeachment court.
Basar iti Manila representative, addan ti complaint a naipila kontra iti bise presidente idi pay 2024 ken 2025, no sadinno a saan pay idi nga indeklarar ni Duterte ti intension na nga agpaidasig a para president.
Innayon na a nairana laeng a nalpasen ti 1-year ban ken naan-anay metten nga inrakurak ti bise presidente iti plano na iti mapaspasangasangan nga eleksyon.
