LAOAG CITY – Inlawlawag ni Mrs. Janet Duarte, ti Local Government Operations Officer ditoy ciudad ti Laoag a saan a basta nga ikkaten maikkat ti naappointaran nga agsrebi ti barangay.
Segun kenni Duarte, masapol a suruten ti kapitan ti proseso iti pannaka-ikkat ti maysa a naappointaran.
Inpetteng na a masapol a majority iti konseho ti barangay ti mangaprubar iti maikkat a naappointaran a kas iti naaramid idi dinutukan da daytoy.
Inbatad na pay a masapol nga adda ti rason ken mapaneknekan daytoy tapno maikkat ti naappointaran.
Mainaig iti daytoy, kuna na a no boluntaryo nga agikkat ti naappointaran ket masapol laeng nga aprubaran ti kapitan, ngem no ikkaten ti maseknan ket sabali ti proseso na.
Ummuna iti daytoy, patien Mr. Rodrigo Agustin nga inikkat isuna ni Brangay Chairman Larry Alejandro iti Barangay Cataban ditoy ciudad ti Laoag gapo iti pulitika.
Inpalgak ni Agustin nga inaramid daytoy ti kapitan kenkuana gapo ta maipagarop a saan na a suruten ti kalikagom ti kapitan seknan iti itandudo da a kandidato ditoy ciudad.
