LAOAG CITY – Agingga ita ket awan pay ti nagdur-asan ti imbestigasyun ti pannakabomba ti torre ti National Grid Corporation of the Philippines wenno NGCP iti paset ti ili ti Pasuquin itay napan a tawen.
Daytoy ti inbatad ni P/Chief Insp Dexter Corpuz, hepe ti Police Community Relations Office ti Ilocos Norte Police Provincial Office.
Segun kenni Corpuz, agtultuloy pay laeng ti imbetigasyun ti nabukel nga Special Investigation Task Group iti nasao nga insidente.
Malagip nga immuna a naatap nga aramid daytoy dagiti kameng ti New People’s Army ngem saan met a napaneknekan.
Patien met ni Corpuz a ti adda iti likudan ti insidente ket immupa ti nangaramid ti bomba wenno improvised explosive device a nausar iti pannakapabettak ti torre ti NGCP gapu ta saan a kabaelan ti ordinaryo a tao ti agaramid ti bomba.
