LAOAG CITY – Nagpanawagan ni Cavite Representative ken House Committee on Labor and Employment Chairman Jolo Revilla kadagiti regional wage board a sumurot ken mangipatugnpal met ti nayon a sueldo para kadagiti probinsia kalpasan ti P85 a nayon iti National Capital Region.
Nabara nga inawat ni Revilla ti desision ti Department of Labor and Employment (DOLE) ken ti NCR Tripartite Wages and Productivity Board (NCR-TWPB) iti nayon a sueldo nga inawaganna a maysa a “long-overdue relief” wenno nabayagen a kalikagum dagiti mangmangged a mapatgan gapu iti agtultuloy a panagngato ti presio dagiti kangrunaan a magatgatang.
Nupay kasta, inpetteng ti agpanpanday linteg a nasken a saan a mabati dagiti mangmangged iti ruar ti Metro Manila partikular dagiti adda iti CALABARZON ken Central Luzon a makapaspasar ti inflation.
