LAOAG CITY – Sinuportaran ni Senador Sherwin Gatchalian ti pannakapaiget ti Bangko Sentral ng Pilipinas iti online gambling payment rules.
Inbatad ni Gatchalian, daytoy a decision ti Bangko Sentral ng Pilipinas ket mangipakpakita a kasapulan ti alisto a naiget a pannaka-regulate ti online iti baet ti makaalarma a panagadu ti kaso ti gambling addiction nangruna kadagiti agtutubo.
Inlawlawagna a napateg daytoy nga addang para iti responsable a panagusar ti digital services ken pammaneknek ti nasao a tignay para iti pannakaipatungpal ti pannaka-regulate ti online gambling.
Kunana a ti panangikabil kadagiti daily caps, time limits ken panagusar ti biometric verification kadagiti transaksion ket makatulong tapno makissayan dagiti agtutubo a nga agay-ayam iti online gambling.
