LAOAG CITY – Pinalubosan ti Pasig City Regional Trial Court Branch 159 ti motion ni Kingdom of Jesus Christ Apollo Quiboloy nga agtalinaed iti ospital kabayatan nga agpapaimbag gapu iti pneumonia.
Inbatad ni Atty. Israelito Torreon ti abugado ni Quiboloy, iyur-urayda pay laeng ti findings ti ospital kadagiti test ken ni Quiboloy no agingga inton ano nga agtalinaed iti ospital.
Nakadepende iti desision ti korte ken ti rekomendasion ti doktorna maipanggep iti panagtalinaedna iti ospital.
Inbilin pay ti korte nga iyakar latta daytoyen iti Pasig General Hospital manipud iti Medical City.
Inpetteng ni Torreon isu a nagsakit ni Quiboloy gapu iti saan a napintas a ventialtion iti Pasig City Jail nangruna ket agtawenen ti 74 ti dati a lider ti Kingdom of Jesus Christ.
Maipalagip nga idi Nobiembre ket intaray manen iti ospital ni Quiboloy gapu iti abnormal a panagpitik ti pusona ken ti mouth infection manipud iti dental implants.
Sumangsango iti kaso nga human trafficking ni Quiboloy iti Pasig City Trial Court ken idi Enero 18 ket naikabil daytoyen iti ospital kalpasan a nakita nga agsagsagba isuna ti pneumonia.
