LAOAG CITY – Inpasigurado ni Presidente Ferdinand Marcos Jr. nga adda iti nasayaat a kasasaad ti mental well-being na iti baet ti nadagsen a responsibilidad na kas mangidaulo iti pagilian.
Segun ken ni Presidente Marcos Jr., nakatulong ti nabayag a panangobserbar na iti ama na a ni dati a Presidente Ferdinand Marcos Sr. tapno maawatan na ti sakripisyo na gapu iti posisyon na.
Inrakurak ti presidente a napateg ti panaginana uray sumagmamano nga oras laeng tapno mapagtalinaed ti nalawag ken epektibo a panagpanunot.
Kuna na a ti naipagagangay ng ar-aramiden na ket tip nag-ehersisyo kas wagas ti stress relief.
Inpakaammo pay ti presidente a saan a matartaranta no adda ti sangsangwen a dakkel a problema.
Inpetteng na a ti agtultuloy a motibasyon iti panangidaulo na ket ti gagem a makapagserbi ken saan a personal nga interes.
