LAOAG CITY – Inpetteng ni Presidente Ferdinand Marcos Jr. a nasken nga ipangpangruna ti panagkaykaysa aniaman ti maris ti pulitika gapu ta napatpateg ti kasasaad ti pagilian ngem iti partido a pakaibilangan.
Inbatad ni Palace Press Officer Claire Castro dagiti addang ti Presidente kas ti panangsaludar ken ni Manny Pacquiao ken pannakitaripnong ken ni Naga City Mayor Leni Robredo ket pammaneknek a saan a lapped ti dati a susik iti eleksion tapno agkaykaysa iti serbisio publiko.
Inpaganetgetna a nasken a liklikan ti nasapa a panangpulitika tapno maipadanon a napintas ti serbisio publiko.
Iti panagbisita ti Presidente idiay Naga City, inpasingkedna a nakasagana ti gobierno a tumulong kadagiti proyekto pakairamanan dagiti addang kontra iti panaglayus.
Innayonna a saan laeng a ti Naga ti tulungan no diket dagiti dadduma pay a lugar nga agkasapulan ti suporta ti gobierno.
