LAOAG CITY – Inlawlawag ni Presidente Ferdinand Marcos Jr. a saanna nga ikonsiderar a kabusor iti pulitika ni dati a Presidente Rodrigo Duterte.
Daytoy ket kagiddan ti panangdepensa ti presidente iti 60 nga aldaw a suspension a naipataw ken ni Davao del norte Governor Edwin Jubahib a nasinged a kaalyado ni dati a Presidente Rodrigo Duterte.
Inaramid ni Presidente Marcos ti nasao a rakurak kalpasan ti panangkondenar kenkuana ni dati a Presidente Duterte mainaig tii naipataw a 60-day preventive suspension kontra iti Davao del Norte Gov. ken naparuwar ti posibilidad nga aglaban dagiti dua iti politika.
Inpalgak ni Presidente Marcos a naamoan na laeng ti kaso, maysa a tawenen ti napalabas no sadinno a paset ti daily briefer ken records ket mabalin a ma-access ti siasinno man tapno maimbestigar iti nasao nga isyu.
Inpetteng ni Presidente a ti kaso kontra ken ni Jubahib ket above board ken naiget a maim-imbestigar sakbay ti suspension order ti Department of the Interior and Local Government (DILG).
Innayon na a dumalan pay amin ti checks and balances ken iti proper procedures sakbay a naiparuk-at ti nasao a desisyon.
Immunan a nangiparuk-at ti rakurak ni Executive Secretary Lucas Bersamin no sadinno a nagtalinaed ti takder na nga awan ti panaglabsing iti kalintegan ti gobernador para iti due process kalpasan a napatawan ti preventive suspension a pinirmaan na nga adda ti pakainaigan iti maipagarop a misuse of authority, possible nga opresyon ken panagusar ti pondo ti gobyerno tapno mairanud iti maysa a pribado a kompaniya.
Iti biang ni Jubahib, inpaganetget na a pure political harassment ti pannakasuspenso na ken nagkari a saan a bumaba iti pwesto na.
