LAOAG CITY – Umabot iti 14 a tattao ti natay iti napasamak a panagbettak iti highway idiay Colombia.
Malaksid kadagiti natay ket dinosdosena a sabsabali pay dagiti nakana a nasugatan iti insidente a nakairamanan ti sumagmamano a menor de edad.
Mabuya kadagiti naiparuk-at a video ti pannakadadael dagiti behikulo ken naruay a debris ti naiwarwara iti kalsada iti southern Cauca region.
Inpabasol met ni Colombian President Gustavo Petro dagiti panagraot kadagiti rebelde a konektado iti dissident factions ti Revolutionary Armed Forces of Colombia (Farc) ti nasao a pasamak.
Maipalagip a naiwayat a peace talks iti nagbaetan ti Revolutionary Armed Forces of Colombia ken ti gobierno idi 2016 no sadinno a nagleppas ti saritaan iti babaen ti rinibo a mannakigubat ti nag-demobilised, ngem ado dagiti nakisina ken nagkedked a madis-armaran.
Inpettang ti Colombian Presidente a kayatna a dagiti agkakalaing a soldado da ti mangkomprontar kadagiti rebelde.
