LAOAG CITY – Inpetteng ni Provincial Director P/Cl Frederick Obar iti Ilocos Norte Police Provincial Office a napintas ti nagbalin a panagresponde dagiti otoridad kadagti umili gapu iti nagbalin nga epekto ti Bagyo Julian.
Segune kenkuana, ti naballigi nga aksyon ti Ilocos Norte Police Provincial Office ket resulta ti panagipaay ti suporta ni Gov. Matthew Marcos Manotoc, pakairamanan da Cong. Sandro Marcos, ni Cong. Angelo Marcos Barba, Sen. Imee Marcos, ken ni Presidente Ferdinand Marcos Jr.\
Kinunana a gapu iti suportada, dagus a naipadanon ti kasapulan a tulong kadagiti indibidual a naapektaran iti Bagyo Julian.
Mainaig iti daytoy, ket balligi met ti panagbantayda iti umuna nga aldaw ti panagipila ti kandidatura para iti umay a 2025 Midterm Elections.
Kabayatanna, kunana a nasurok 2,000 a personnel manipud iti Philippine National Police, Philippine Army, Bureau of Fire Protection (BFP), ken Philippine Coast Guard ti naideploy a timmulong iti response operations kadagiti lugar a naapektaran ti Bagyo Julian.
