LAOAG CITY – Mamati ni Mr. Victor Dabalos, mangidadaulo ti Provincial Environment and Natural Resources Office a naiget a masursurot dagiti pagannurutan seknan iti panangipan kadagiti campaign poster.
Inlawlawagna a sipod a nangrugi ti pannakaisayangkat ti Operation Baklas ket awan pay ti report kadakuada nga adda dagiti campaign poster a mailanlansa kadagiti kayo.
Gapu iti daytoy, maragsakan ni Dabalos gapu ta adda ti nagbanagan dagiti panangimpormarda iti publiko maipanggep iti nasao a banag.
Nupay kasta, inpasingkedna nga itultuloyda ti panagsursurda tapno obserbaren dagitoy.
Maipalagip a rinugianen ti Commission on Elections ti Operation Baklas kabayatan ti panangrugi ti campaign period ti national candidates.
