LAOAG CITY – Nangiruar ti Philippine Economic Zone Authority (PEZA) ti guidelines wenno dagiti pagannurutan para iti panangestablisar ken rehistrasion ti pharmaceutical economic zones (pharmazones) tapno aramiden a simple ti regulatory processes, kissayan ti presio ti agas ken allukoyen ti global pharmaceutical investors iti pagilian.
Ti guidelines ket inaprobaran ti PEZA Board, ni Trade Secretary Ma. Cristina Roque ti timmakder a chairman iti naisayangkat a taripnong idi Pebrero.
Tinalatan dagiti pagalagadan dagiti available nga insentibo iti ‘pharmazone developers, operators ken registered business enterprises (RBEs), gagem daytoy a gutiguten ti investment iti sektor.
Iti babaen ti baro nga inaprobaran a guidelines, ti pharmazones a masarakan iti National Capital Region ken dadduma pay a metropolitan areas ket nasken nga adda iti 10,000 square meters idinto a dagiti non-metropolitan regions ket nasken nga addaan ti minimum land area a 50,000 square meters.
Kabayatanna, ti developers ken operators ti nasao nga ecozones ket agbalin a rumbeng iti fiscal incentives a nakailanad iti babaen ti Title XII of the amended Tax Code.
