LAOAG CITY – Nakagun-od ti Provincial Government of Ilocos Norte ken Local Government Units kas 2025 Good Financial Housekeeping no sadinno a tinawen nga ipapaay ti Department of Interior and Local Government (DILG).
Inpakaammo ni Governor Cecilia Araneta Marcos a daytoy ket pammaneknek ti pursigido a pannakaipatungpal ti transparency ken accountability ken pakairamananen ti kina-responsible ti tunggal maysa iti financial management.
Kunana nga agserbi daytoy kas inspirasion dagiti LGUs tapno itultuloy ti naidumduma a pannakagun-od ti nasao a pammigbig ken ti pannakapatibker ti panagtalek ti publiko iti babaen ti responsible a pannakausar dagiti pundo ti gobierno.
Immunan a pinadayawan ti DILG ti probinsia ken dagiti 24 nga LGUs iti pannakaipaay ti nasao a pammigbig.
Innayon ti DILG ti Ilocos Norte a marambakan saan laeng a ti naipaay a pammigbig ngem ti pammaneknek a maipatpatungpal dagiti standard iti nasayaat a pannakaiwanwan ti gobierno.
