LAOAG CITY – Kalikagom ni Gov. Matthew Marcos Manotoc a mapilaan ti kaso dagiti dua nga indibidual pakairamanan ti sibubukel a kompanya ti Northern Prime Trading Corporation kalpasan iti panagilakoda ti peke nga abono iti paset ti Brgy. Buyon iti ili ti Bacarra kangrunaan iti asideg ti Bislak River ditoy probinsia.
Daytoy ti inpakaamo ni Engr. Ma Teresa Bacnat, mangidadaulo iti Provincial Agriculture Office ditoy probinsia.
Inlawlawagna nga awan ti hurisdiksion ti Provincial Agriculture Office a mangipila ti kaso kadagiti indibidual a naglako iti peke a ganagan.
Gapu iti daytoy, inrakurakna nga apaman a naipakaammo iti biang ti gobernador, ket kalikaguma a makikoordinar iti biang ti Food and Drug Agriclture-Fertilizer and Pesticide Department gapu ta isuda ti otorisado iti nadakamat a banag.
Inrakurakna nga idi laeng lunes, Agosto 12 ket naipakaamno daytoy iti Central Office iti Food and Drug Agriculture no sadinno a manamnama a maipaay iti final legal decision agingga inton bigat iti Agosto 16.
Iti agdama, ket saaanna a masinunuo no ana iti kaso a manamnama a maipila kadagiti suspek. Ngem siguraduen ni Gov. Manotoc a mapilaan dagitoy ken saan a mabaybayaan.
Innayonna nga agtultuloy ti panangimonitorda iti nadakamat nga banag no sadinno awan ti maakitada a sabali nga aglaklako iti peke nga abono ditoy probinsia.
Kunana a dagiti nakumpiskar ket saan nga dumalan kadagiti farm supplies no diket maaipuslit ken maideretso kadagiti mannalon.
Maipalagip a Balligi a nasaed ti Technical sales representative ti Northern Prime Trading Corp a ni Vilbert Asuncion, agtawen ti 31, ken residente iti Brgy. Sta. Cruz iti ili ti Badoc ken ni Rheygie D.Colobong, agtawen ti 25, residente iti Pacifico iti ili ti Marcos nga aglaklako ti peke a ganagan iti paset ti Brgy. Buyon iti Bacarra kangrunaan iti asideg ti Bislak River ditoy probinsia.
Naammoan nga agbalor iti P40,000 dagiti nakumpiskar nga abono, liquid fertilizer ken dadduma pay a mausar iti panagtalon.
Kinunana a mapanda nga agdeliver iti ili ti Sarrat, Marcos, Dingras ken dadduma pay nga ili kangrunaanna iti ili ti Bacarra ken Badoc.
Nupay kasta, inkari ni Asuncion a saanen daytoy nga aglako gapu ta ammoda a maikanniwas daytoy iti paglintegan ti gobierno nangruna iti biang agrikultura .
