LAOAG CITY – Balligi ti pannakatiliw ti Top 7 Most Wanted Person iti Regional Level iti ili ti Dingras gapo ti kaso na a panagrames.
Segun ken ni P/Maj. Adrian Agbannaoag, acting spokesperson ti Ilocos Norte Police Provincial Office (INPPO), a ti suspek ket agtawen 53, addaan asawa, construction worker, ken residente iti Brgy. Guerrero iti nasao nga ili.
Inbatadna a tiniliwda ti suspek iti bileg ti warrant of arrest nga inparuk-at ni Hon. Esperanza Caridad Areniego iti RTC Branch 5 iti ili ti Dingras gapo ti kaso a statutory rape ken awan ti nairekomendar a piyansa-na.
Iti agdama, ti suspek ket adda ti Dingras Police Station para iti medical examination ken maisagsagana dagiti dokumento para iti pannakaipila ti kaso kontra kenkuana.
