LAOAG CITY – Awan pay ti naawat nga aniaman nga impormasyon ti embahada ti Pilipinas idiay Portugal maipanggep iti nagresign nga agpanpanday linteg a ni Zaldy Co.
Daytoy ti inrakurak ni Department of Foreign Affairs (DFA) spokesperson Angelica Escalona.
Maipalagip nga idi Miyerkules ket inrakurak ni President Ferdinand Marcos Jr. a nakanselaren ti pasaporte ni Co.
Pimmanaw ti dati nga House appropriations committee chairman ditoy pagiluan para iti medical reasons.
Nupay kasta, saan pay a pulos a nagsubli ditoy pagilian ni Co kabayatan ti imbestigasyon iti budget insertions ken dagiti maanomalya a projects, no sadinno a nagtalinaed ti takder na nga inosente kontra kadagiti alegasyon a maibtbato kenkuana.
Immunan nga inlawlawag ni Escalona a kalpasan a kinanselar ti DFA ti passport ni Co ket maireport daytoy iti Bureau of Immigration ken iti Philippine Center on Transnational Crime, nga isu met ti mangireport iti International Criminal Police Organization (Interpol).
