LAOAG CITY – Manarimaanen ti Phase 3 ti Terminal Hub iti gobierno probinsial.
Segun ken ni Engr. Gisselle Leal, Project Engineer, ti manarimaan nga ar-aramidenda iti daytoy a phase ket dagiti finishing, pannakaipan dagiti tiles, ramp, agdan ken dadduma pay a mangbukel ti nasao a lugar.
Inbatadna nga ikalikagumda nga ilippas daytoy iti uneg ti walo a bulan iti baet a sangapulo a bulan ti naited kadakuada a panangilippasda.
Inlawlawagna a basar iti plano, ti baba ti terminal hub ket isu ti pagianan dagiti lugan ngem iti ngato ket pagpasiaran no sadinno nga adda dagiti naidumduma a disenio ti maikabil.
Innayonna nga iti uneg ti walo a bulan ket makitanto ti kinapintas ti nasao nga istraktura.
