LAOAG CITY – Positibo a makitkita ti Philippine Ports Authority nga agtultuloy a dumur-as ken pumigsa pay ti cruise industry ditoy pagilian ita a tawen kalpasan a bimmisita ti dua nga international cruise ship kadagiti sumagmamano a kangrunaan a destinasion iti Pilipinas idi Enero.
Simmangpet iti Bohol ti Maltese-flagged cruise ship nga MS Europa 2 nga adda ti nakalugan a sumurok 400 a pasahero a kaaduan ditoy ket mainipud idiay Germany ken sumagmamano a paset ti Europa.
Naminsan pay a nagsubli ti MV Norwegian Sky iti Manila South Harbor idi Enero 31 kalpasan a bimmisita daytoy idi Enero 17.
Nakalugan ditoy ti agarup saan a bumaba ti dua a ribu a pasahero a kaaduan ket Pilipino.
Basar iti Philippine Ports Authority, dumanonen iti 142,574 ti cruise passenger arrivals iti napalabas a tawen a 61.9% wenno nangatngato nga amang maidasig idi 2023.
Kalikagum ita ti ahensia a dumanon daytoy ti 180 a ribu a 29.8% a nangatngato iti napalabas a datos idi 2024.
Iti agdama, agtultuloy ti pannakaipasdek kadagiti baro a cruise terminals ti Philippine Ports Authority kadagiti nagduduma a paset ti pagilian kas iti Coron, Aklan, Camiguin ken Puerto Galera.
