LAOAG CITY – Inpannakkel ti Philippine Ports Authority ti sumurok doble a birokda iti umuna a tallo a bulan ti tawen.
Manipud idi Enero agingga iti Marso ket nakairekordda ti P3.88 bilyon a net income.
Daytoy ket nangatngato maidasig iti P1.73 a bilyon a birok iti napalabas a tawen.
Maysa kadagiti nagbalin a tulbek iti panagngato ti birok ket gapu iti napaigetan a programada ken pannakapapintas kadagiti pantalanda.
Naammoan nga ita a tawen laeng ket dumanonen iti 78 a milyon dagiti nairekord a pasaheroda.
Target met ita ti Philippine Ports Authority a mangipasdek ti sumagmamano a first class kadagiti pantalan tapno makagutigot dagiti turista ken dagiti agbiahe.
