LAOAG CITY – Naipangato ti posibilidad ti explosive eruption ti panagngato ti sulfur dioxide (SO2) emission ti Bulkan Mayon.
Madanagan ti Philippine Institute of Volcanology and Seismology (PHILVOCS) idi Hulio 11 kalpasan a nangiruar ti average a 13,128 metric tons ti volcanic sulfur dioxide (SO2) iti tunggal aldaw ti Bukan Mayon.
Kangatoan nga emission rate daytoy a nairekord iti Bulkan Mayon iti napalabas a 26 a tawen idinto a nababbaba ngem iti nairekord idi napasamak ti explosive eruption ti Mayon idi tawen 2000.
Agtultuloy nga Alert Level 3 ti pakdaar iti bulkan.
Kuna ti Philippine Institute of Volcanology and Seismology a ti spike ti sulfure dioxide (SO2) ket simmakto met iti ad-adda a nakaro a volcanic activity karamanna pay ti 97 low-frequency volcanic earthquakes ken volcanic degassing ken minor Strombolian activity iti summit crater.
Addaan pay ti nairekord a 304 rockfall events gapu iti panag-collapse ti baro a lava flow agingga alas-8 ti rabii idi Hulio 11.
