LAOAG CITY – Umabot iti pito a barangay iti ili ti San Nicolas ti naapektaran iti African Swine Fever virus.
Segun ken ni Ms. Cecille Sambrano, Municipal Agriculture Officer, dagiti barangay a naapektaran ket iti Brgy. 16, Brgy. 17, Brgy. 19, Brgy. 21, Brgy. 22, Brgy. 23, Brgy. 24.
Kinunana a sangapulo a barangay ti kangrunaan nga agtartaraken iti baboy, partikular kadagiti rural areas iti nadakamat nga ili.
Mainaig iti daytoy, kas paset ti addang tapno makontrol ti panagwaras ti nasao a sakit, pinaingetda ti panagmonitor ken ti pannakaipatungpal dagiti checkpoint kadagiti baboy a sumrek iti nadakamat nga ili.
Innbatad na a masapol nga adda ti sertipikasion manipud kadagiti barangay no adda ti mairuar ken maiserrek a baboy nga aggapo kadagiti dadduma nga ili a saan a naapektaran ti virus.
Innayonna nga adda ti maisaysayangakat a test kadagiti babaoy iti uneg ti sangapulo nga aldaw sakbay a mailako ken masapol a maparti daytoy iti uneg ti tallo nga aldaw kalpasan a maala ti resulta ti test.
Kabayatanna, mannaarimaan ti panag-consilidate ti ahensia kadagiti amin naikali a baboy ken dagiti naapektaran ti African Swine Fever.
