LAOAG CITY – Inpakaammo ni P/Maj. Sheryl Guzman, pannakangiwat ti Ilocos Norte Police Provincial Office nga adda ti pito a naiwayat nga Anti-Illegal Drug Buy-bust Operation ditoy probinsia.
Segun kenkuana, ti nasao nga operasion ket naiwayat idi Enero 1 agingga Enero 18 iti agdama a tawen.
Inbatadna a babaen iti daytoy ket adda ti walo nga indibidual ti naarestar kadagiti nagsisina nga operasionda.
Kunana a naiget ti pannakibinnuligda kadagiti barangay officials tapno agbalin a balligi dagiti iwaywayatda nga operasion.
Innayonna nga adda dagiti monitoring ken surveillance nga isaysayangkatda kadagiti maseknan nga indibidual sakbay a naan-anay nga ipatungpalda ti police operation.
