LAOAG CITY – Dagus a kinontra ni Minnesota state Rep. Leigh Finke a kaunaan a transgender member ti lehislatura ti plano a panagpirma ni United States President Donald Trump ti executive order a mangipawil kadagiti transgender service member iti military.
Inbatad ni Finke a ti nasao nga addang ket mangiyadayo iti rikna ti maysa a tao ken maysa a klase ti diskriminasion iti grupoda.
Adda ti 15 a ribu dagiti miembro ti United States military ti nangadmitir nga isuda ket transgender.
Maipalagip nga apaman a nakatugaw iti puesto ni Trump ket inpettengna nga ibasurana ti executive order ti sinuktanna a ni United States President Joe Biden a mabalin nga agserbi iti military dagiti transgender.
