LAOAG CITY – Posible a bumaban ti plete iti eroplano mangrugi ita a bulan ti Hunio.
Inpababan ti Civil Aeronautics Board (CAB) ti passenger fuel surcharge manipud level 15 a mapagbalin a level 13 gapu iti panagbagsak ti presio ti jet fuel.
Iti babaen ti level 13, umabot laeng iti P423 agingga P1,237 ti nayon a singir kadagiti domestic flight.
Manipud P1,396.74 agingga P10,385.42 met ti fuel surcharge kadagiti international flight.
Iti agdama a level 15, ti fuel surcharge iti domestic flights ket P1,436 idinto P12,056 met iti international a biahe.
