LAOAG CITY – Napatawan ti maysa a bulan a pannakasuspenso ti Polish tennis star a ni Iga Swiatek.
Daytoy ket kalpasan a nagpositibo isuna iti maipawil a substance.
Basar iti International Tennis Integrity Agency (ITIA) nga inawatna met ti nasao a pannusa.
Nakita iti bagi ti five-time grand slam winner ti panagpositibona ti trimetazidine.
Naammoan a ti nangitunda ti panagpositibo iti nasao a substance ket manipud iti contamination ti regulated non-prescription medication a melatonin a masansan a mailaklako ken magatgatang idiay Poland.
Rumrummuar nga in-inomen ni Swiatek ti nasao nga agas no adda ti jet lag daytoy ken no marigatan a makaturog.
