LAOAG CITY – Inbutaktak ni Senador Ping Lacson a pinangtaan ken prinessure ni Senate Minority Leader Alan Peter Cayetano ti Philippine Reclamation Authority (PRA) iti napalabas a tawen isut gapuna a nagsardeng ti immuna nga imbestigasion iti reclamation iti Laguna Lake a sakup iti siudad ti Taguig.
Inbatadna a basar iti impormasion nga inpakaammo dagiti opisial ti Philippine Reclamation Authority, budget deliberation idi Nobiembre 2025 ti Office of the President (OP) no sadinno a pinaayaban isuda ni Cayetano iti opisinana ken nagpangta nga isuspenso ti deliberasion iti budget ti Office of the President.
Naammoan a gapu ta na-pressure dagitoy, saanda lattan a nagtignay rason no apay a naitantan ti imbestigasion.
Kuna ni Lacson nga ita ket naiget ti Philippine Reclamation Authority a maimbestigaran ti maipagarup nga iligal a reclaim iti daga ti Taguig a posible a maka-generate ti birok iti kanito a maala ti pabor daytoy iti gobierno.
Immunan nga inrakurak ni Lacson a sumagmamano a tawen nga ipakpakita ti flood control ken mitigation projects dagiti Cayetano ti reclamation operations iti paset ti Laguna Lake.
Nupay kasta, uray ibagbag ni Cayetano a ti ni-reclaim ket “government property”, kasapulan latta a mangala kadagiti permit ken dokumento ti Taguig manipud iti Philippine Reclamation Authority, Laguna Lake Development Authority (LLDA) ken Department of Environment and Natural Resources (DENR) sakbay a mangiwayat ti reclamation work.
