LAOAG CITY – Sinalakniban ni Senate Minority Leader Alan Peter Cayetano dagiti lakeshore development project iti paset ti Laguna Lake iti Taguig bayat ti panangipettengna a dagitoy ket para iti flood control, mausar ti amin ken panangprotektar iti waig kontra iti land-grabbing syndicates.
Segun ken ni Cayetano, nabayagen a plano dagiti nasao a proyekto a narugian pay laeng idi naudi a paset ti dekada 1990 idi panawen ni dati a Department of Social Welfare and Development (DPWH) Secretary Gregorio Vigilar.
Dagiti rakurak ni Cayetano ket kalpasan ti alegasion ni Senador Panfilo Lacson a maipagarup adda ti ghost slope protection project ken na-reclaimed area iti aglawlaw ti Laguna Lake.
Gapu iti daytoy, naglikudan ni Cayetano dagiti alegasion ken ginutigotna ni Lacson a makisarita nga umuna daytoy iti ahensia sakbay nga agakusar iti social media.
