LAOAG CITY – Inadmitir ni Presidente Ferdinand Marcos Jr. a na-pressure ni Kingdom of Jesus Christ Pastor Apollo Quiboloy iti presensya dagiti otoridad iti compound da.
Gapu iti daytoy, napilitan ni Quiboloy a simmuko, ngem kiniddawna nga alaen dagiti soldado manipud iti Intelligence Service of the Armed Forces of the Philippines (ISAFP) gapu ta saan a nagtalek daytoy kadagiti kameng ti Philippine National Police.
Segun ken ni Pres. Marcos, naipakaammu kenkuana ti insidente isu nga immanamong a dagiti soldado ti mang-arestar kenkuana.
Nu pay kasta, inpasigurado ti presidente nga awan ti “special treatment” iti lider ti Kingdom of Jesus Christ .
Pinasingkedan pay ti presidente masapul a sangwen nga umuna ni Quiboloy dagiti kaso na ditoy pagikyan sakbak ti extradition na idiay Estados Unidos.
Kalikagom met ni Manila Rep. Joel Chua nga imbestigaran dagiti ahensia ti gobierno ti akem da dati a Presidente Rodrigo Roa Duterte ken ti anak na a ni Bise Presidente Sara Duterte iti pananggandatda a makalisi iti linteg babaen ken ni Pastor Apollo Quiboloy.
Segun kenni Chua, ti dati a Presidente ket agdama nga administrador ti Kingdom of Jesus Christ compound a nakatiliwan ni Quiboloy.
