LAOAG CITY – Inaprubaranen ni Presidente Rodrigo Duterte ti pannakiyuswat ti limitado a face-to-face classes kadagiti lugar a maibilang a minimal risk ti COVID-19 infection.
Iti press briefing, inbatad ni presidential spokesperson Harry Roque dagiti lugar ket dterminaren ti Department of Health ken ti Department of Education, ken ti in-person classes ket saan a maiyuswat iti inaldaw.
Kunana a masapol latta ti suporta ti local government units babaen iti resolution wenno letter of support ken nasken nga addaan ti written support and consent dagiti nagannak.
Inbatad met ni Education Secretary Leonor Briones a napintas a damag daytoy iti edukasyon.
Inlawlawag na a babaen iti nailungalong a guidelines, dagiti Kindergarten classes ket addaan ti 12 nga estudyante idinto a ti Grade 1 agingga iti Grade 3 classes ket 16 nga estudyante, ken dagitoy ket maddaan ti maximum a tallo nga oras.
Inpalgak pay ni Briones a mismo a Deped ti mangaprubar no anya a lugar ti pakaiyuswatan ti limitado a face to face classes no sadinno a masapol a pumusa iti departamento kageddan ti panangipalubos ti LGU.
