LAOAG CITY – Nagtalinaed a nangato latta ti presio ti karne ti baboy iti baet iti maipatpatungpal a Maximum Suggested Retail Price (MSRP).
Inbatad ni Agriculture Assistant Secretary for agribusiness, marketing and consumer affairs Genevieve Velicaria-Guevarra, iti panagbisitada kadagiti tiendaan, naobserbaranda a nangatngato ngem ti P60 iti kada kilo ti retail price ti baboy manipud iti Maximum Suggested Retail Price.
Iti pork belly, mailaklako daytoy iti presio a P420 agingga iti P440 iti kada kilo idinto iti pork shoulder met ket adda ti P370 agingga iti P380 iti kada kilo, nalawag a nanginngina maiadasig iti Maximum Suggested Retail Price ti pork shoulder a P360 iti kada kilo ken pork belly a P380 iti kada kilo.
Kunana a makaalarma daytoy nangruna ket ti farmgate price ti karne ti baboy ket nagtalinaed a P250 agingga iti P255.
